ЦХИНВАЛ, 13 мая - Sputnik, Гӕбӕраты Элина. Хуссар Ирыстоны районты фесты уалдзӕгон куыстытӕ. Хъӕууон хӕдзарады дӕлхайады сӕйраг специалист Дыгъуызты Таймураз радзырдта Sputnik, иумӕйагӕй кӕй байтыдтой дыууӕ мин гектармӕ ӕввахс.
"Ацы аз министрад байтыдта 1,3 мин гектары хъӕбӕрхор ӕмӕ 600 гектарӕй фылдӕр мӕнӕу, уый 300 гектары у фылдӕр фарон азмӕ абаргӕйӕ", - банысан кодта Дыгъуызты Таймураз.
Тыды иумӕйаг нымӕцӕй, хъӕбӕрхоры иу мин гектары байтыдтой Ленингоры районы.
Дыгъуызты Таймураз бафтыдта, зӕгъгӕ, дарддӕр районты байтаудзысты хъӕдур ӕмӕ нартхор.
Хъӕбӕрхоры тыд уагъд цыд мартӕй фӕстӕмӕ. Иумӕйагӕй районты архайдтой техникӕйы 20 иуӕджы.
