ЦХИНВАЛ, 15 май - Sputnik. Хуссар Иры Уæлдæр тæрхондоны (УТ) сæрдар Коцты Олеся хайад райста УФ Конституцион тæрхондоны конференцийы, кæцы уагъд æрцыд IX Петербургаг æхсæнадæмон юридикон форумы фæлгæтты. Мадзал уагъд цæуы Уæрæсейы цæгаттаг столицæйы 14-18 майы, хъусын кæуы УТ пресс-службæ.
Уымæй дарддæр ма Коцты Олеся хайад райдзæн пленарон рабадты ахæм темæйыл "Барад - куыд аивад", кæцы уагъд æрцæудзæн æртыццæджы, 15 майы. Рабадты спикерты хсæн - УФ премьер Дмитрий Медведев æмæ адæймаджы барты фæдыл ИНО комиссар, Чилийы экс-президент Мишель Бачелет.
Хуссар Иры Уæлдæр тæрхондоны сæрдар ныр дыккаг хатт архайы Петербургаг æхсæнадæмон юридикон форумы.
Ацы азы форумы программæйы нысан у иууыл актуалон барадон фарстыты фæдыл фæлтæрддзинад дих кæнын æмæ конд у 50-йæ фылдæр сессийæ.
