Машинӕ тротуартыл уромын нӕй гӕнӕн: Хуссар Иры МХМ уадзы рейдтӕ

© МВД РЮОМашинӕ тротуартыл уромын нӕй гӕнӕн
Машинӕ тротуартыл уромын нӕй гӕнӕн - Sputnik Хуссар Ирыстон
Рафыссын
Хуссар Ирыстоны уагъд цӕуынц мадзӕлттӕ шофырты сбӕрӕг кӕныны фӕдыл, кӕцытӕ уромынц сӕ хӕдтулгӕтӕ тротуартыл

ЦХИНВАЛ, 17 май - Sputnik. Цхинвалы уагъд цӕуынц рейдтӕ, цӕмӕй мауал уадзой уромын автотранспорт тротуартыл, хъусын кӕны Хуссар Ирыстоны Мидхъуыддӕгты министрады (МХМ) пресс-службӕ.

ПАИ кусджытӕ - Sputnik Хуссар Ирыстон
Хуссар Иры ПАИ куры фӕфылдӕр кӕнын ивартӕ фӕткхалджытӕн

Паддзахадон автоинспекцийы кусджытӕ басгӕрстой Сталины, Абайты Уасойы, Ирӕтты, Плиты Ароны, Плиты Харитоны ӕмӕ Хетӕгкаты Къостайы уынгтӕ.

"Автоинспектортӕ сбӕрӕг кодтой фехӕлдтӕ уыцы уынгтыл ӕмӕ бафӕдзӕхстой транспортон фӕрӕзты шофырты, тротуарыл ахизӕн ӕхгӕнын кӕй нӕй гӕнӕн", - дзырдӕуы хъусинаджы.

Уагдоны бафтыдтой, ахӕм рейдон мадзӕлттӕ Паддзахадон автоинспекци дарддӕр дӕр кӕй уадздзӕн.

Амӕйразмӕ Хуссар Ирыстоны хицауады сӕрдар ӕрсидт ӕфхӕрын шофырты тротуартыл уромыны тыххӕй ӕмӕ бахахх кодта, столицӕйы кӕй ис каннӕг тротуартӕ ӕмӕ шофыртӕ арӕх сӕхгӕнынц ахизӕн фистӕг бӕлццӕттӕн.

Ног хабӕртты лентӕ
0