ЦХИНВАЛ, 21 май — Sputnik. Экологи ӕмӕ эволюцийы проблемӕты фӕдыл Уӕрӕсейаг Институты ахуыргӕндтӕ афӕндараст уыдзысты Хуссар Ирыстоны хӕхты фесӕфӕг фыранк Эльбрусы агурӕг 22 майы. Уый тыххӕй хъусын кӕны Уӕрӕсейаг геаграфион ӕхсӕнады сайт.
Институты директор Вячеслав Рожнов банысан кодта, экспедицийы нысан кӕй у рафӕлгъауын, фыранк йӕ хъуырбос раппӕрста ӕви зӕйы бын бахауд, уый. Афтӕ ма ахуыргӕндтӕ сбӕрӕг кӕндзысты регионы холладжы ӕфтауц, цӕмӕй аскъуыддзаг кӕной, 2020 азы та цы районы ауадзой фондз ӕвзонг фыранкы.
Фыранкы агурынмӕ ӕрӕвналынӕн зымӕджы нӕ уыд фадат, уымӕн ӕмӕ тӕссаг уыд зӕй рацӕуынӕй.
Фарон сӕрды Цӕгат Ирыстоны националон парчы ауагътой дыууӕ фыранкы - нӕл Эльбрус ӕмӕ сыл Волнайы. Эльбрус, хъуырцӕджы бӕрӕггӕнӕнтӕм гӕсгӕ, ӕрбахызт Хуссар Иры территоримӕ, фӕлӕ уым декабрӕй фӕстӕмӕ фесӕфт йӕ фӕд.
