ЦХИНВАЛ, 21 май - Sputnik. Нырыккон хӕцӕнгӕрзтӕ бавдисдзысты уӕрӕсейаг ӕфсӕддон базӕйы Хуссар Ирыстоны Ӕхсӕнадӕмон ӕфсӕддон-техникон форумы фӕлгӕтты, хъусын кӕны РИА Новости Уӕрӕсейы Хуссар ӕфсӕддон зылды ӕфсӕдты командӕгӕнӕг, инӕлар-булкъон Александ Дворниковы ныхӕстӕ.
Хуссар Ирыстонӕй дарддӕр егъау ӕфсӕддон мадзӕлттӕ сорганизаци кӕндзысты Уӕрӕсейы 15 субъекты территорийыл, афтӕ ма уӕрӕсейаг ӕфсӕддон базӕты Абхаз ӕмӕ Сомихы. Хуссар ӕмӕ Цӕгат-Кавказы федералон зылдты равдисдзысты техникӕ ӕмӕ хӕцӕнгарзы 10 мин иуӕджы, банысан кодта командӕгӕнӕг.
Хуссар ӕфсӕддон зылды форумы фӕлгӕтты архайдзысты 40 ӕфсӕддон хайады тыхтӕ ӕмӕ фӕрӕзтӕ. Афтӕ ма мадзӕлттӕ ӕмӕ зонадон-кусӕгон программӕйы хайад райсдзысты сӕудӕджерады фондз куыстуаты, дыууӕ зонадон-иртасӕн органзицийы ӕмӕ авд ӕфсӕддон ахуыргӕнӕндоны.
Форум уагъд цӕудзӕн 28-30 июны. Алыгъуызон регионты кӕсджытӕн равдисдзысты хӕстон авиаци, ӕфсӕдты тактикон эпизодтӕ, афтӕ ма базондзысты ныры бронетехникӕйы фадӕттӕ - "летающий танк" ӕмӕ "танковый вальс".
