ЦХИНВАЛ, 23 май— Sputnik. Гæздæнты Булаты номыл адæмон инструментты цæгатирыстойнаг паддзахадон национ оркестр ратдзæн концерт Цхинвалы майрæмбоны, 24 майы, хъусын кæны Цæгат Ирыстоны культурæйы министрады пресс-службæ.
Сфæлдыстадон къорд йе 'рцыд сбаста Ирыстоны дыууæ хаййы уарзон сфæлдыстадон архайæг, Хуссар Иры адæмон артисткæ, Хетæгкаты Къостайы премийы лауреат Галуанты Людмилæйы юбилейæн нывонд мадзæлттимæ.
"Концерты рæстæджы оркестр æмæ йæ солисттæ – Габуты Жанна, Собиты Станислав, Дауыраты Эдуард, Цакъоты Руслан æмæ Дауыраты Аза сæххæст кæндзысты Галуанты Людмилайы ныхæстыл фыст зарджытæ", - дзырдæуы хъусинаджы.
Концерты рæстæджы ма ацæудзæн адæмон артисткæ, поэтессæ Галуанты Людмилæйы æмдзæвгæйы бынурыл зарæг "Вернись..."-ы премьерæ.
