Радио Sputnik Хуссар Ирыстоны эфиры кафӕг ӕмӕ хореограф Джиоты Къоста радзырдта хореографион къорд "Кафт"-ы гом урокы тыххӕй, кӕцы ацыд курдиатджын ахуыргӕнӕг, Хуссар Ирыстон ӕмӕ Абхазы сгуыхт артисткӕ Майя Четионы къухдариуӕгады бын. Афтӕ ма хореограф загъта йӕ хъуыды ирон кафджыты скъолайы ӕмвӕзад ӕмӕ кафыны аивады райрӕзты фӕдыл куысты тыххӕй.
Коста Джиоты: ирон кафты райрӕзтӕн хъӕуы паддзахады ӕххуыс
"Ирон кафты райрӕзтӕн хъӕуы системон куыст, студи, хицауад ӕмӕ паддзахады ӕххуыс, цӕмӕй сывӕллӕттӕ, ныййарджытӕ ӕмӕ ахуыргӕнджытӕ мацӕуыл хъуыды кӕной аивадӕй дарддӕр, ӕмӕ куыст цӕуа хорз темпты", - загъта Джиоты Къоста.
