Цхинвайлаг каратисткæ рамбылдта "Кубаны кубок"

© Из архива тренера В. СозаеваЦхинвайлаг каратисткæ рамбылдта "Кубаны кубок"
Цхинвайлаг каратисткæ рамбылдта Кубаны кубок - Sputnik Хуссар Ирыстон
Бафыссын
Yandex newsTelegram
Дудайты Донна ацы ерысты уæлахиздзау ссис дыккаг хатт

ЦХИНВАЛ, 24 май — Sputnik, Плиты Фатимæ. Цхинвайлаг каратисткæ Дудайты Донна рамбылдта æппæтуæрæсейон ерыстæ "Кубаны кубок" Сочийы. Ирон чызгæн йæ ралæудтæ фадат дæттынц "Уæрæсейы спорты мастермæ кандидаты ном" райсын, фехъусын кодта Sputnik йæ тренер, Хуссар Ирыстоны киокусин-кан федерацийы сæйраг тренер Созаты Владимир.

Дудайты Донна ацы ерысты уæлахиздзау ссис дыккаг хатт.

"Татамимæ йæ фыццаг рахызты рæстæджы 15 секундмæ рамбылдта йæ ныхмæлæууæджы Ульяновскæй, дыккаг тох дæр зынгæ уæлидзинад хынцгæйæ рамбылдта æмгъуыдæй раздæр. Финалы Донна тыхджындæр уыд абхазаг спортсменкæйæ. Мæ хъомылгæнинаг равдыста хорз техникон-тактикон цæттæдзинад", — загъта тренер.

© Видео из архива тренера В. СозаеваДудайты Донна ралæуд ерысты
Цхинвайлаг каратисткæ рамбылдта Кубаны кубок - Sputnik Хуссар Ирыстон
Дудайты Донна ралæуд ерысты

Ахуыргæнæджы ныхæстæм гæсгæ, йæ аннæ хъомылгæнинаг Тыджыты Ирина схызт пьедесталы дыккаг къæпхæнмæ.

"Ныфсджынæй æмгъуыдæй раздæр ахицæн кодта йæ фембæлдтæ, фæлæ, хъыгагæн, финалы фæхæрд ис Казахстанаг спортсменкæйæн", - бафтыдта Созаты Владимир.

Ног хабӕртты лентӕ
0