ЦХИНВАЛ, 27 май - Sputnik. Хуссар Ирыстоны юстицийы кусджытӕ алыхатт дӕр ӕххӕст кӕнынц хӕслӕвӕрдтӕ, цӕмӕй сфидар кӕной барадон фӕтк республикӕйы, дзырдӕуы Бибылты Анатолийы арфӕйы Юстицийы кусӕджы боны цытӕн.
"Сымах ӕххӕст кӕнут конституцион принциптӕ ӕмӕ ӕххуыс кӕнут ӕхсӕнады барадон культурӕйы райрӕзтӕн. Уӕ куыст ӕмӕ профессионализмы руаджы райтынг ис закондӕттынад ӕмӕ сфидар ис нӕ паддзахад", - хъусын кӕны президенты ныхӕстӕ йӕ пресс-службӕ.
Бибылты Анатолий загъта бузныг юстицийы кусджытӕн сӕ иузӕрдыгдзинады тыххӕй куыстмӕ.
"Уырны мӕ, уӕ зонындзинӕдтӕ, фӕлтӕрддзинад ӕмӕ активон граждайнаг позицийы руаджы нӕ Фыдыбӕстӕ райтынг уыдзӕн", - бахахх кодта президент.
Хуссар Ирыстоны Юстицийы кусӕджы бон нысан кӕнынц фыццаг хатт – сфидар ӕй кодтой 2019 азы марты республикӕйы президенты барамындӕй.
