ЦХИНВАЛ, 30 май - Sputnik. Хуссар Ирыстоны делегаци президент Бибылты Анатолийы сӕргълӕудӕй ацӕудзӕн балцы Хӕххон Карабахмӕ, хъусын кӕны бӕстӕйы сӕргълӕууӕджы пресс-службӕ.
Хъусинагӕй куыд бӕрӕг у, афтӕмӕй балцы фӕлгӕтты Бибылты Анатолий ӕмӕ Бако Саакян ауадздзысты бадзырдтӕ.
"Уымӕй дарддӕр ма Хуссар Иры делегаци азилдзӕн Республикӕ Арцахы сӕудӕджерадон уагдӕттӕ, мемориалон комплекс, культурон ӕмӕ историон объекттыл. Афтӕ ма уазджытӕ бабӕрӕг кӕндзысты хуссарирыстойнаг командӕйы хъазт футболӕй ЕЧ ConIFA – 2019 фӕлгӕтты", - дзырдӕуы пресс-службӕйы хъусинаджы.
Делегацийы сконды сты РХИ хицауады сӕрдары хӕдивӕг Бекъойты Геннадий ӕмӕ фӕсарӕйнаг хъуыддӕгты министр Медойты Дмитрий.
