Аирвӕзт милицийы фӕрцы: Хуссар Иры нӕлгоймаджы аласта дон

© Sputnik / Виталий РаднаевЦӕугӕдон
Цӕугӕдон - Sputnik Хуссар Ирыстон
Рафыссын
Нӕлгоймаджы баластой рынчындонмӕ, дохтырты ныхӕстӕм гӕсгӕ, йӕ уавӕр у стабилон-уӕззау

ЦХИНВАЛ, 31 май - Sputnik. Цхинвалы районы Сатихъары хъӕуы цӕрӕг фӕцӕй хуыдыг кодта, Леуахийы цӕугӕдоны найгӕйӕ. Нӕлгоймаджы цӕугӕдон куы фӕцӕй ласта, уӕд йӕ амондӕн, ӕввахс разындысты фӕндагон-патрулон службӕйы инспектортӕ ӕмӕ йӕ фервӕзын кодтой, хъусын кӕны Хуссар иры МХМ пресс-службӕ.

"Цхинвалы районы мидхъуыддӕгты хайадмӕ 30 майы ӕрбадзырдтой, Дменисы Чысыл Леуахийы найгӕйӕ дон кӕй аласта Сатихъары 44-аздзыд цӕрӕджы. Цауы бынатмӕ уайтагъддӕр рацыдысты фӕндагон-патрулон службӕйы экипаж. Инспектортӕ Цхуырбаты Аслан ӕмӕ Чысиаты Сослан райдыдтой донбылгӕрӕтты налгоймаджы агурын. Ссардтой йӕ найӕнӕй 300 метр дарддӕр", - дзырдӕуы хъусинаджы.

Лӕджы дон ласта дарддӕр, фӕлӕ йӕ бон нӕ уыд рахизын знӕт цӕугӕдонӕй. Инспектортӕ йын бакодтой фыццаг ӕххуыс, стӕй йӕ аластой амбулаторимӕ. Ныртӕккӕ ис республикон соматикон рынчындоны реанимацийы. Дохтырты ныхӕстӕм гӕсгӕ, йӕ уавӕр у стабилон-уӕззау.

Ног хабӕртты лентӕ
0