ЦХИНВАЛ, 3 июн - Sputnik. Хуссар Ирыстоны ивгъуыд къуыри ӕрцыд дыууӕ фыдракӕнды, кӕцыты сбӕрӕг кодтой барадхъахъхъӕнӕг органты кусджытӕ, хъусын кӕны къуырисӕры республикӕйы Мидхъуыддӕгты министрады (МХМ) пресс-службӕ.
Алыгъуызон фӕткхӕлдты тыххӕй бӕрнмӕ ӕрбаздӕхтой цалдӕр адӕймаджы, уыдонӕй иуы наркотикон буарадтӕй ӕнӕзаконон пайда кӕныны тыххӕй.
Ивгъуыд къуыри республикӕйы фӕндӕгтыл ӕрцыд иу фӕндагон-транспортон цау, кӕцыйы фӕстиуӕгӕн зиан баййӕфтой ӕртӕ адӕймаджы.
Рейдон мадзӕлтты рӕстӕджы Паддзахадон автоинспекцийы кусджытӕ сбӕрӕг кодтой фӕндагон змӕлды 219 фӕткхалды. 12 шофыры скъӕрдтой хӕдтулгӕтӕ нозтджынӕй.
Ӕхсӕнадон фӕтк фехалыны тыххӕй милицийы кусджытӕ ӕрцахстой фараст адӕймаджы, уыдонӕй дыууӕйы тӕрхондоны уынаффӕмӕ гӕсгӕ сбадын кодтой ахӕстоны.
