ЦХИНВАЛ, 6 июн - Sputnik. Хуссар Ирыстон ӕртӕ бонмӕ сӕхгӕндзӕн Гуырдзыстонимӕ арӕн паламентон ӕвзӕрстыты рӕстӕджы ӕдасдзинад бахъахъхъӕныны тыххӕй, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.
Уагдоны банысан кодтой, Гуырдзыстонимӕ арӕны уадзӕн пункттӕ кӕй сӕхгӕндзысты 8 июны 06.00 сахатыл. Уыдон скусдзысты хуымӕтӕг режимы 11 июны райсомӕй.
Хуссар Ирыстоны парламентон ӕвзӕрстытӕ ацӕудзысты 9 июны. Хъӕлӕскӕныны бон ӕдӕппӕт бакӕндзысты 77 ӕвзарӕн фадыджы 17 ӕвзарӕн зылдыл.
