ЦХИНВАЛ, 9 июн – Sputnik, Козаты Диана. Централон æвзарæн къамисы сæрдар Плиты Бела радта æвзрæстыты фæдыл пресс-центры фыццаг информаци хъæлæсæппæрсты фæдыл. Уый радæтта кандидаты фæдыл иумæйаг информаци, радзырдта цас æхсæнадæмон цæстдарæджы æмæ журналисты ʻрцыд республикæмæ.
Йæ ныхæстæм гæсгæ, 10.00 сахатмæ иумæйаг бæрæггæнæнтæм гæсгæ схъæлæс кодта æвзарджыты 8,81 проценты
"Уый у хорз цифрæ", – загъта уый.
Уый ма банысан кодта, æвзæрстыты кусынц 90 æхсæнадæмон цæстдарæджы, сæ нымæцы Японийæ, Германæй, Финляндийæ æмæ Бельгийæ.
"Дзыллон информацийы минæвæрттæ куыснц 70-йæ, уыдон нымæцы аккредитацигонд 20 фæсарæйнаг журналисты", – загъта Плиты Бела.
VII æрсидты парламенты 34 бынатмæ претенденттæ сты авд политикон парти - "Иугонд Ирыстон", "Дзыллæйы иудзинад", "Ныхас", "Иудзинад", "Адæмон парти", "Фыдыбæстæ", "Коммунистон парти" æмæ 99 иумандатон кандидат, уыдонæй 60 раразмæ кодтой партитæ.
Парламент фидаргонд æрцæудзæн æмхæццæ мажоритарон-пропорционалон системамæ гæсгæ. Уæвгæ 34 бынты æмбис æвзæрст æрцæудзæн иумандатон зылдтæм гæсгæ, аннæтæ уыдзысты партийы номхыгъдтæй. Ахæм системæмæ републикæ раздæхт 15 фæстæ. IV , V æмæ VI æрсидты закондæттæг органтæ фидар цыдысты партиты номхыгъдæй.
