ЦХИНВАЛ, 13 июн — Sputnik. Цæгат Ирыстоны æмбырдгонд æнтыстджынæй ралæууыд Ӕппæтуæрæсейон мастерон турниры самбойæ - рамбылдта дзы фондз майданы, хъусын кæны республикæйы спорты министрады пресс-службæ.
Ирыстойнаг спортсменты хæзнадоны ис иу сыгъзæрин, иу æвзист æмæ æртæ бронзæйон майданы.
Ерыстæ уагъд цыдысты Кæсæг-Балхъары æмæ æрæмбырд кодтой сæдæмæ æввахс Цæгат-Кавказаг æмæ Хуссайраг федералон зылдтæй, афтæ ма Красноярск æмæ Мæскуыйæ.
Самбистты цæттæ кæнынц тренертæ Гасситы Петр, Козаты Алан, Коцты Алик æмæ Колыты Игорь.
