ЦХИНВАЛ, 18 июн — Sputnik, Плиты Фатимæ. Дыууæ хуссарирыстойнаг боксеры райстой балцæгтæ Уæрæсейы чемпионатмæ. Спорты галуан "Олимп"-ы хъомылгæнинæгтæ гуырахстджын ерыстæм ацæудзысты турнир "Юность России" рамбулгæйæ, фехъусын кода Sputnik спортсменты тренер Хаситы Владислав.
Дзæуджыхъæуы уагъд цæуæг турнир "Юность России"-йы уæлахиздзаутæ ссисты Хуыбылты Константин æмæ Ӕлборты Алан, спорты галуан "Олимп"-ы боксы секцийы аннæ æнтыстджындæр боксер Тыбылты Тамерлан ссис дыккаг.
"Хуыбылты Константин æмæ Ӕлборты Алан сæ уæзы категориты рамбылдтой сыгъзæрин майдантæ. Турниры уæлахиздзаутæ фæхайджын сты Уæрæсейы фыццагадмæ балцæгæй", - загъта тренер.
Турниры аннæ архайæг Тыбылты Тамерлан турниры бацахста æрмæст дыккаг бынат.
"Тыбылты Тамерлан у уникалон сывæллон, уый фыццаг уыд уæлахизы аккаг. Хъыгагæн, турниры ссис æрмæст æвзист призер, уымæ гæсгæ йæ бахъæудзæн æндæр æвзарæн ерыстæ рацæуын Уæрæсейы фыццагадмæ ахизынæн. Июлы Рязаны цæудзæн гæрзджын тыхты æхсæнады ерыстæ, уым Тамерлан стох кæндзæн йæ балцæгыл Уæрæсейы чемпионатмæ", - бафтыдта Хаситы Владислав.
Фæсивæд цæттæ кæнынц спорты галуан "Олимп"-ы тренертæ Хаситы Владислав æмæ Санахъоты Асланы къухдариуæгады бын.
