ЦХИНВАЛ, 24 июн - Sputnik. Хуссар Ирыстоны мидхъуыддæгты министрад (МХМ) фехъусын кодта, ивгъуыд къуырийы республикæйы кæй æрцахстой фондз адæймаджы наркотикон буарад гæнæй æнæзакононæй пайда кæныны тыххæй.
Уымæй дарддæр ма, хъусын кæны уагдоны пресс-службæ, 17-24 июны республикæйы æрцыд дыууæ фыдракæнды, дыууæйы дæр раргом кодтой мидхъуыддæгты органты кусджытæ.
"Ивгъуыд къуыри ма бæстæйы фæндæгтыл æрцыд дыууæ аварийы, уыдон фæстиуæгæн цæфтæ райста иу адæймаг", - бафтыдтой министрады.
Иумæйагæй, Паддзахадон автоинспекцийы (ПАИ) кусджытæ рейдты рæстæджы сбæрæг кодтой фæндагон змæлды 226 фæткхалды. Дæс шофыры машинæ скъæрдтой нозтджынæй.
