ЦХИНВАЛ, 24 июн — Sputnik. Мӕхъӕлы республикӕйы сӕргълӕууӕг Юнус-Бек Евкуров фехъусын кодта, кӕй бахатдзӕн Уӕрӕсейы президентмӕ, цӕмӕй йӕ ӕмгъуыдӕй раздӕр ссӕрибар кӕна йӕ бынатӕй. Уый тыххӕй фыссы республикӕйы официалон сайт.
"Ӕз равзӕрстон мӕ фӕндаг. Куыд мӕхъӕлон, куыд патриот, куыд хӕстон офицер, кӕцы радта ардбахӕрд йӕ фыдыбӕстӕ хъахъхъӕныны тыххӕй, ӕз аскъуыддзаг кодтон бахатын Владимир Путинмӕ, цӕмӕй мӕ ӕмгъуыдӕй раздӕр ссӕрибар кӕна мӕ куыстӕй", - загъта уый.
Евкуров зӕрдыл ӕрлӕууын кодта, йӕ куысты ӕмгъуыд кӕй фӕуд кӕны 2013 азы ӕмӕ йӕ скъуыддзаг бамбарын кодта ӕхсӕнады ӕндыгъд уавӕримӕ, зӕгъгӕ, алчидӕр ӕвзары йӕхи сӕрмагонд ӕмӕ республикӕйы интересты хсӕн.
Уый ма бахахх кодта, бӕстӕйы ӕндыгъд уавӕры кӕй ис хицауад, ӕхсӕнадон ӕмӕ динон огранизациты аххос.
Евкуров Мӕхъӕлы сӕргълӕууӕгӕй нысан ӕрцыд 2008 азы 30 октябры, Мурат Зязиковы отставкӕйы фӕстӕ.
