ЦХИНВАЛ, 2 июл - Sputnik. Хуссар Ирыстоны хъахъхъæнынады министрады сæрмагонд нысаниуæджы батальоны æфсæддонтæн цæуынц интенсивон ахуыртæ хæххон цæттæдзинады фæдыл.
Спецназ РЮО занимается горной подготовкой
© Минобороны РЮО
Уагдоны пресс-службæ куыд хъусын кæны, афтæмæй тренировкæтæ цæуынц Хъахъхъæнынады министрады æфсæддон полигоны, хæххон районты æххæст экипировкæимæ, æхсæвæй-бонæй.
"Ахуырты рæстæджы батальоны сæрмагонд скондимæ кусынц хæххон ныхдуртæ иуварс кæныныл, хæцæнгарзæй эффективонæй пайда кæныныл хæххон уавæрты, хæстон архæйдтыты алыгъуызон фадæттыл", - дзырдæуы хъусинаджы.
Спецназ в горах
© Минобороны РЮО
Мадзæлтты райдайæны уал æфсæддонтæ сахуыр кодтой ног хæххон ифтонгадæй пайда кæнын, фæстæдæр та сын нывæзты ис бирæбонон марш-бросоктæ хæхтæм.
