ЦХИНВАЛ, 9 июл - Sputnik. Милицийы кусджытӕ Дзауы районы ӕрцахстой нӕлгоймаджы, кӕцымӕ зӕрдӕ ӕхсайдта бӕлӕстӕ ӕнӕзаконон ракалынмӕ, хъусын кӕны Хуссар Ирыстоны Мидхъуыддӕгты министрады (МХМ) пресс-службӕ.
Дзауы районы Мидхъуыддӕгты хайадмӕ бацыд информаци, Хъорсеуы хъӕуы цур хъӕды бӕлӕстӕ кӕй калынц, уый фӕстӕ цауы бынатмӕ ацыд оперативон къорд.
"Милицийы кусджытӕ хъӕды ӕрурӕдтой хӕдтулгӕ "Камаз-43101" фараст бӕласимӕ. Барадхъахъхъӕнджытӕ сбӕрӕг кодтой, фыдгӕнӕг кӕй уыд Дзауы поселочы 32-аздзыд цӕрӕг, кӕцы басаст йӕ фыдракӕндыл", - дзырдӕуы хъусинаджы.
Цауы ӕрмӕджытӕ барвыстой МХМ фӕдагуырды хайадмӕ.