ЦХИНВАЛ, 9 июл - Sputnik. Милицийы кусджытӕ ӕрбаздӕхтой бӕрнмӕ Цхинвалы цӕрӕджы гӕн ӕнӕзаконон зайын кӕныны тыххӕй, хъусын кӕны Хуссар Ирыстоны Мидхъуыддӕгты министрады (МХМ) пресс-службӕ. Цхинвалы тӕрхондон фӕивар кодта зӕрдӕхсайгӕ нӕмлгоймаджы аст мин сомы бӕрц.
"Цхинвалы 38-аздзыд цӕрӕджы цӕхӕрадоны ссардтой гӕны 52 къутӕры. Эксперты скъуыддзагмӕ гӕсгӕ, зайӕгойы сконды ис наркотикон буарад тетрагидроканнабинол", - дзырдӕуы хъусинаджы.
Афтӕ ма сбӕрӕг кодтой, нӕлгоймаг кӕй пайда кодта наркотикон буарадтӕй.
Афтӕмӕй зӕрдӕхсайгӕ нӕлгоймаг фехӕлдта уголовон кодексы статья "ӕнӕзаконон рӕзын кӕнын зайӕгойты, кӕцыты ис наркотикон, кӕнӕ психотропон буарадтӕ" ӕмӕ РХИ "наркотикон, кӕнӕ психотропон буарадтӕй ӕнӕзаконон пайда кӕныны фӕдыл" закон.
