ЦХИНВАЛ, 10 июл — Sputnik, Плиты Фатимæ. Хуссар Ирыстоны профцæдистæ æнхъарынц къаддæр аргъыл балцæгтæ Цæгат Ирыстоны хосгæнæн улæфæндæттæ "Тамиск" æмæ "Урсдон"-мæ. Балцæгтæ балхæнæн ис 30% асламдæр, фехъусын кодта Sputnik РХИ Профцӕдисты советы сӕрдар Джергаты Жанна.
Уый банысан кодта, нырмæ 15 адæймаджы кӕй спайда кодтой æнхъарæнæй.
"Дарддæр кусы нæ нывæзт - хорз уавæртыл мах æнхъарæм балцæгтæ. "Тамиск"-ы 10 боны улæфт лæууы 23 мины бæрц, мах сӕ сфидар кæнæм 16 миныл. Æнгæс уавæртыл балцæг райсæн ис "Урсдон"-мæ дæр, ацы улæфæндон зындгонд у канд ваннæтæй нæ, фæлæ ма диссаджы æууæлтимæ нуазыны донæй дӕр", - загъта Джергаты Жанна.
Уый ма банысан кодта, балцæгтæ райсæн кӕй ис КавМинВоды-йы хосгæнæн санаторитæм дæр, уыдон дæр сты 20% асламдæр, профцæдисты уæнгтæн та ма ноджы къаддæр.
