ЦХИНВАЛ, 15 июл — Sputnik. Авд ирон богалы рамбылдтой сӕ тохтӕ ӕхсӕнадӕмон турнир ӕмхӕццӕ ӕмтохӕдтӕй "TIME TO FIGHT"-ы Дзӕуджыхъӕуы, хъусын кӕны Ossetia News.
Гаглойты Георгий фидарӕй рамбылдта йӕ ныхмӕлӕууӕджы Цӕцӕнӕй Сулейман Шамсуевы ӕмгъуыдӕй раздӕр.
Ирон богалтӕй дыккаг йӕ тох рамбылдта Джыгкайты Вадим. Уый рамбылдта техникон нокаутӕй цӕцӕйнаг Саид Сапаровы.
Афтӕ ма сӕ тохты фӕуӕлахиз сты ирон богалтӕ Гӕджиты Вячеслав (66 кг), Цъугкиты Георгий (71 кг), Чсиаты Давид (61 кг), Бестауты Родион (84 кг). Уыймӕ дарддӕр ма 71 килограмм уӕзы категорийы йӕ чемпионон титул бахъахъхъӕдта Годжысаты Ацӕмӕз. Уый нокаутӕй рамбылдта цӕцӕйнаг Адам Кагировы.
Турнир, кӕцыйы фӕлгӕтты ацыд 20 федтаг тохӕй фылдӕр, ӕрӕмбырд кодта спортсменты ӕрмӕст Уӕрӕсейы регионтӕй нӕ, фӕлӕ ма ӕндӕр бӕстӕтӕй дӕр: Турк, Иран, Узбекистан ӕмӕ Камерун. Ерысты архайдтой 13 ирон спортсмены.
