ЦХИНВАЛ, 15 июл — Sputnik. Цӕгат Ирыстоны Буроны поселочы цӕрӕг Дзалаты Екатерина ӕвзӕрст ӕрцыд "Почта России-йы афӕдзы адӕймагӕй", фыссы 15-регион.
Хорзӕхкӕныны цытджын церемони уагъд ӕрцыд Мӕскуыйы Паддзахадон кремлаг галуаны, Уӕрӕсейы посты боны фӕлгӕтты. 83-аздзыд почтальонӕн радтой 300 мин соммы бӕрц ӕхцайы сертификат.
Республикӕйы иууыл ацӕргӕдӕр почтальон Дзалаты Екатерина къуыри ӕртӕ хатты фистӕгӕй ацӕууы 48 километры хӕххон фӕндӕгтыл, йе мбӕстӕгтӕн бахӕссы хӕдзӕрттӕм газеттӕ, пенситӕ ӕмӕ ӕрвитӕггӕгтӕ.
Порталы информацимӕ гӕсгӕ, апрелы та сылгоймаджы банымадтой "Афӕдзы адӕймгӕй социалон рекламӕ ӕмӕ социалон коммуникациты".
