ЦХИНВАЛ, 22 июл - Sputnik. Цхинвалы ӕртыккаг хатт ацӕудзӕн ӕхсӕнадӕмон акци "Сушка", фехъусын кодта проекты организатортӕй иу Элла Авагимова.
Проекты хъуыдымӕ гӕсгӕ, акцийы хайадисджытӕн фадат ис ӕрцауындзын бӕндӕныл сӕ куыстытӕ, сӕхицӕн та сӕ бон у ахӕссын ӕндӕр къамтӕ.
"Ацы "Сушка" нывонд у нӕ зынаргъ Гӕбӕраты Неллийы мысӕнӕн, кӕцы уыд ивгъуыд дыууӕ акцийы активон хайадисӕг", - банысан кодтой организатортӕ.
Акци ацӕудзӕн Фӕсивӕдон политикӕ, спорт ӕмӕ туризмы комитеты ӕххуысӕй 30 июлы Ногдзауты парчы 12.00 сахатыл.
Фоторавдысты хайад райсыны фадат ис алкӕмӕндӕр. "Сушка"-йы проект у ӕнӕкоммерцион – хайадисджытӕ нӕ фидынц кӕйдӕр къамтӕ рахӕссыны тыххӕй.
Ӕнæкоммерцион проект "Сушка" фыццаг фæзынд Санкт-Петербурджы 2010 азы. Йæ автортæ сты Ольга Луветау æмæ Андрей Кеззин. Хуссар Ирыстоны акци фыццаг хатт уагъд ӕрцыд 2915 азы августы.
