Хуссар Иры Юстицийы министрад банхъардта ӕххӕст кӕнын ӕнӕаргъ юридикон ӕххуыс

© Sputnik / Ада БагианЮстицийы министрад
Юстицийы министрад - Sputnik Хуссар Ирыстон
Республикӕйы Юстицийы министрады сӕргълӕууӕг радзырдта уагдоны архайды тыххӕй ивгъуыд ӕрдӕг азы

ЦХИНВАЛ, 24 июл - Sputnik. Хуссар Ирыстоны юстицийы министр Лалыты Зӕлинӕ радзырдта, уагдон кӕй нывӕнды ӕххӕст кӕнын ӕнӕаргъ юридикон ӕххуыс цӕрджытӕн. Уый тыххӕй министр фехъусын кодта премьер-министр Пухаты Эрикимӕ фембӕлды рӕстӕджы, хъусын кӕны республикӕйы хицауады пресс-службӕ.

РХИ юстицийы министрад - Sputnik Хуссар Ирыстон
Иугонд электронон базӕ: куыд цӕуы Хуссар Иры юстицийы министрады реформӕ

Йӕ ныхӕстӕм гӕсгӕ, ацы фарстыл кусынц республикӕйы адвокатты корпусимӕ.

Афтӕ ма Лалыты Зӕлинӕ радзырдта хицауады сӕрдарӕн Юстицийы министрады архайды фӕстиуджыты тыххӕй 2019 азы ӕхсӕз мӕймӕ.

Ацы периодмӕ уагдон иумӕйагӕй радта 369 экспертон уынаффӕйы, паддзахадон нотариустӕ ӕркастысты 7,6 мин нотариалон куырдиатмӕ, ӕрдомдтой паддзахадон фиддонтӕ 550 мин сомы бӕрц.

© Пресс-служба правительства РЮОРХИ хицауады сӕрдар Пухаты Эрик ӕмӕ Юстицийы министрады сӕргълӕууӕг Лалыты Зӕлинӕйы фембӕлд
Хуссар Иры Юстицийы министрад банхъардта ӕххӕст кӕнын ӕнӕаргъ юридикон ӕххуыс - Sputnik Хуссар Ирыстон
РХИ хицауады сӕрдар Пухаты Эрик ӕмӕ Юстицийы министрады сӕргълӕууӕг Лалыты Зӕлинӕйы фембӕлд

Уымӕй дарддӕр ма службӕты специалисттӕ иудадзыг ацӕуынц районтӕм, цӕмӕй баххуыс кӕной хъӕуы цӕрджытӕн аскъуыддзаг кӕнын сӕ фарстытӕ бынаты.

Фембӕлды рӕстӕджы ма банысан кодтой, Юстицийы министрад дарддӕр кӕй кусы республикӕйы законты унификацийыл, афтӕ ма рауадзы бюллетень, цы ран вӕййынц нормативон-барадон акттӕ, цӕмӕй сӕ рӕстӕгыл ныммыхуыр кӕной.

Хицауады сӕрдар Пухаты Эрик банысан кодта уагдоны пайдаджын куыст ӕмӕ загъта бузныг министрады сӕргълӕууӕгӕн хыгъдлӕвӕрды тыххӕй.

"Ды активон куыст кӕныс ӕрмӕст юстицийы аппаратимӕ нӕ, фӕлӕ ма структурон дӕлхайадтимӕ, афтӕ ма стыр куыст цӕуы республикӕйы законты унификацийы фӕдыл", - бахахх кодта Пухаты Эрик.

Хицауады сӕрдар бафтыдта, зӕгъгӕ, уагдоны проблемӕтӕ скъуыддзаг цӕудзысты.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала