ЦХИНВАЛ, 24 июл – Sputnik, Плиты Фатимæ. Хуссар Иры столицæйы æртыццæджы райсом фæтыхстысты доны цухдзинадæй, дон гуырахст фæкъаддæр ис столицæйы централон хайы, кæцы Паддзахадон унитарон куыстуат "Водоканал"нæ хъавыд ахицæн кæнын донифтонгадæй, фехъусын кодтой Sputnik "Водоканал"-ы.
Амæй размæ ма уагдоны фехъусын кодтой, 24 æмæ 25 июлы столицæйы Мӕскуыйаг ӕмӕ Ирӕтты уынгыл, афтӕ ма микрорайонтӕ "Текстиль", "Фаллаг фарсы" ӕмӕ "ЦАРЗ"-ы нæ уыдзæн дон.
"Хæтæлы хъуызы дон æмæ хъыгдары куыстытæ сæххæст кæнынæн, уый тыххæй горæты централон хай дæр райсом 8 сахатыл ахицæн кодтам донифтонгадæй, фæлæ йæ изæрмæ хъуамæ баиу кæнæм", - загъта Sputnik Паддзахадон унитарон куыстуат "Водоканал"-ы сӕргълӕууӕг Цхуырбаты Алан.
Уый ма банысан кодта, æппæт горæты донифтонгад хуымæтæг режимы скусдзæн 26 июлы.
"Уанаты доны хæтæлыл 15 километрæй ма аразинаг ис æрмæстдæр æртæ, ацы бонты доны хæтæл горæты хызæгмæ иу æрцæудзæнис, уый уыдзæн донифтонгады куыстыты фыццаг этап. Уый фæстæ та бавналдзысты донæмбырдгæнæнтыл куыст", - балхынцъ кодта уый.
