ЦХИНВАЛ, 5 авг - Sputnik. Уӕгъдибар хъӕбысӕйхӕцӕг Цӕгат Ирыстонӕй Найфонты Артур ссис ӕхсӕнадӕмон турнир "Мемориал Циолковского"-йы уӕлахиздзау Варшавайы, ноджы ма иу ирон богал – Хуыгаты Алан – рамбылдта бронзӕйон майдан, хъусын кӕны РЦИ-Аланийы спорты министрад.
"Варшавайы фӕцис ӕхсӕнадӕмон турнир уӕгъдибар хъӕбысхӕстӕй. Турниры уӕлахиздзау ссис Найфонты Артур, финалы 86 килограмм уӕзы категорийы ирон хъӕбысӕйхӕцӕг рамбылдта Польшайы минӕвар Збигнев Барановскийы 8:1 хыгъдӕй", - дзырдӕуы хъусинаджы.
Хуыгаты Алан рамбылдта бронзӕ уӕззау уӕзы категорийы.
Вацлав Циолковскийы мысӕнӕн ӕхсӕнадӕмон турнир уӕгъдибар хъӕбысхӕстӕй уагъд цыд Польшайы столицӕйы 2-4 августы.
