ЦХИНВАЛ, 9 авг — Sputnik. Хуссар Ирыстоны фӕсивӕды минӕвӕрттӕ хайад райсдзысты Цӕгат Кавказы фӕсивӕдон ахуырадон форум "Машук"-ы ӕмӕ ӕхсӕнадӕмон фӕсивӕдон форум "Евразия Global"-ы, хъусын кӕны майрӕмбоны республикӕйы фӕсивӕдон политикӕ, спорт ӕмӕ туризмы комитеты пресс-службӕ. Ӕвзонг адӕм ацыдысты Пятигорск ӕмӕ Оренбургмӕ майрӕмбоны.
"Цӕгат Кавказы фӕсивӕдон форум "Машук" Пятигорскы ацӕудзӕн дӕсӕм хатт, ӕмӕ традицимӕ гӕсгӕ суыдзӕн фӕзуат фӕсивӕды баныхасӕн хицауады минӕвӕрттимӕ, культурӕйы архайджытимӕ, номдзыд спортсментимӕ ӕмӕ ӕхсӕнадон архайджытимӕ", - дзырдӕуы хъусинаджы.
Ӕхсӕнадӕмон фӕсивӕдон ахуырадон форум "Евразия Global", кӕцы ис ӕхсӕз федералон фӕзуаты сконды, уагъд цӕудзӕн 12-18 августы горӕт Оренбургы. Ацы аз форумы уыдзӕн кусӕгон хай, тыгъдад хайадисджыты ӕмархайдӕн, афтӕ ма сфӕлдыстадон программӕ дӕр.
