Хуссар Иры Дзауы районы байгом ис "Этнолагерь"

Рафыссын
Фæсивæдмæ æнхъæлмæ кæсы цымыдисон нывæзт - ахуырадон хаййæ дарддæр ма уыдонæн арæзт цæудзысты экскурситæ районы фенддаг бынæттæм æмæ рæсугъд кæмттæм

ЦХИНВАЛ, 12 авг — Sputnik. Хуссар Ирыстоны Дзауы районы къуырисæры байгом этнографион лагерь 14-18 аздзыд фæсивæдæн, хъусын кæны фæсивæдон политикæ, спорт æмæ туризмы комитеты пресс-службæ.

Этнолагерь   - Sputnik Хуссар Ирыстон
"Этнолагерь 2019": фæсарæйнаг уазджыты нывæзт Хуссар Иры

Лагеры хайадисджытæмæ æнхъæлмæ кæсы райгуырæн бæстæйы историмæ экскурс, Хетæгкаты Къостайы цард æмæ сфæлдыстады тыххæй лекци, националон стилы куклæты арæзтады фæдыл мастер-класс.

"Фæсивæдæн уыдзæн тынг цымыдисон нывæзт: уыдон ацæудзысты балцыты æмæ фендзысты Эрцъо æмæ Къозы цæдтæ, бацæудзысты Кърозы хъæумæ, атезгъо кæндзысты бæхтыл æмæ бафæлвардзысты сæхи фат æмæ æрдынæй æхсты", - дзырдæуы хъусинаджы.

Мадзалы культурон нывæзты та уыдзысты зонадон-популярон æмæ аивадон фильмтæ изæрыгæтты, алыгъуызон конкурстæ æмæ турниртæ.

Лагерь байгом паддзахадон комплексон нысанмæздæхт нывæзт "Хуссар Ирыстоны рæзгæ фæлтæры монон-фæткон хъомылад"-ы фæлгæтты æмæ адарддæр уыдзæн 16 августмæ.

Ног хабӕртты лентӕ
0