Дунейы чемпионтӕ ауадздзысты мастер-класстӕ гимнасткӕтӕн Хуссар Иры

© Sputnik / Наталья АйриянАивадон ӕмӕ эстетикон гимнастикӕ
Аивадон ӕмӕ эстетикон гимнастикӕ - Sputnik Хуссар Ирыстон
Бафыссын
Yandex newsTelegram
Къуырийы дӕргъы спортивон комплекс "Олимп"-ы кусдзысты дунейы дыууӕ хатты чемпионкӕтӕ эстетикон гимнастикӕйӕ Валерия Урюпина ӕмӕ Дарья Куклина

ЦХИНВАЛ, 20 авг — Sputnik. Хуссар Ирыстоны столицӕйы райдыдтой аивадон ӕмӕ эстетикон гимнастикӕйы рӕвдзытӕ, уыдон уагъд цӕудзысты спорты мастертӕ Валерия Урюпина ӕмӕ Дарья Куклинайы къухдариуӕгады бын, фехъусын кодта Sputnik республикӕйы аивадон гимнастикӕйы федерацийы президент Цхуырбаты Зема.

Ерыстӕ аивадон ӕмӕ эстетикон гимнастикӕйӕ - Sputnik Хуссар Ирыстон
Рӕсугъд ӕмӕ сӕртӕг: аивадон гимнастикӕйы турнир Цхинвалы

"19-ӕй 25-мӕ августмӕ уагъд цӕудзысты аивадон ӕмӕ эстетикон гимнастикӕйы рӕвдзытӕ. Урюпина ӕмӕ Куклина - дунейон номимӕ тренер Сания Глызинайы ахуыргӕнинӕгтӕ, уыдон ӕрцыдысты Цхинвалмӕ тренеримӕ бадзырды фӕлгӕтты. Глызина йӕхӕдӕг гӕнӕн ис ӕрцӕуа Цхинвалмӕ фӕззӕджы", - загъта Цхуырбаты Зема.

Йӕ ныхӕстӕм гӕсгӕ, 6-12 азы кары хуссарирыстойнаг гимнасткӕтӕн рӕвдзыты фӕлгӕтты уагъд цӕудзысты дыууӕфазӕйон тренировкӕтӕ ӕрвылбон.

Афтӕ ма номдзыд гимнасткӕтӕ ауадздзысты мастер-класстӕ хуссарирыстойнаг тренертӕ ӕмӕ хореографтӕн.

Рӕвдзыты хайад исынц 30 гимнасткӕйӕ фылдӕр.

Ног хабӕртты лентӕ
0