ЦХИНВАЛ, 22 авг - Sputnik. Хуссар Ирыстоны арӕн Гуырдзыстонимӕ сӕхгӕндзысты дыууӕ бонмӕ республикӕйы хӕдбардзинад Уӕрӕсейы ӕрдыгӕй банымайыны 11-ӕм афӕдзыбоны тыххӕй, фехъусын кодта Sputnik Паддзахадон ӕдасдзинады комитеты пресс-службӕйы минӕвар Биазырты Екатерина.
"Арӕны сӕртыл ахизӕн нал уыдзӕн хуыцаубоны, 25 августы 20.00 сахатӕй фӕстӕмӕ. Уадзӕн пункттӕ хуымӕтӕг режимы сӕ куыст сног кӕндзысты 27 августы 6.00 сахатыл", - банысан кодта уый.
Хуссар Ирыстоны 26 августы уагъд ӕрцӕудзысты бӕрӕгбонон мадзӕлттӕ, кӕцытӕ нывонд сты республикӕйы Хӕдбардзинад банымайыны бонӕн.
