ЦХИНВАЛ, 22 авг — Sputnik, Плиты Фатимæ. Хуссар Иры Цхинвалы æмæ Знауыры районы ацыд акци "Добра и милосердия", кæцыйы фæлгæтты хицауады уæнгтæ æмбæлынц хæсты бабынуæвæг æфсæддонты ныййарджытимæ, фехъусын кодта Sputnik культурæйы министр Зассеты Жанна.
Акцитæ æрæзт цæуынц 2008 азæй фæстæмæ ныр 11 азы дæргъы.
"Ис нæм сæ хъæбулты чи фесæфта 2008 азы хæсты, уыдон номхыгъдтæ. Акци "Добра и милосердия" райдыдта Цхинвалы æмæ Знауыры районтæй. Бæрнон кусджытæ æмбæлынц саударæг ныййарджытимæ, аныхас кæнынц семæ æмæ сæ хъæбултæ цы нæ бантыст цæрын, уый уыдонмæ цы бафта, ахæм фæндиæгтæ фæдзурынц ", - загъта Зассеты Жанна.
Фембæлды хайад райстой Уæрæсейы цыппæрæм æфæддон базæйы кусджытæ командиры хæдивæг, дæлбулкъон Раджаб Алиевы сæргълæудæй, уыдон радтой зæрдылдарæн лæвæрттæ ныййарджытæн.
Акцийы дыккаг этапы та хицауады уæнгтæ фембæлдзысты хæсты фæмардуæвджыты бинонтæимæ Дзауы æмæ Ленингоры районтæй, стæй та Цхинвалы.
