Хуссар Иры сгарынц милицийы физикон ӕмӕ службӕйон квалификаци

© Пресс-служба МВД РЮОХуссар Иры сгарынц милицийы физикон ӕмӕ службӕйон квалификаци
Хуссар Иры сгарынц милицийы физикон ӕмӕ службӕйон квалификаци - Sputnik Хуссар Ирыстон
Рафыссын
Стадионы нормативтӕ раттыны фӕстӕ, барадхъахъхъӕнӕг органты кусджытӕ рахизынц службӕйон ӕмӕ ӕхсыны цӕттӕкӕнынады фӕлварӕнтӕ раттынмӕ

ЦХИНВАЛ, 23 авг - Sputnik. Хуссар Ирыстоны мидхъуыддӕгты органты кусджытӕ дӕттынц фӕлварӕнтӕ физикон ӕмӕ службӕйон цӕттӕкӕнынадӕй, цӕмӕй райсой квалификацигонд нӕмттӕ, фехъусын кодта республикӕйы Мидхъуыддӕгты министрады (МХМ) пресс-службӕйы разамонӕг Бестауты Вида.

МСНК кусджытæ - Sputnik Хуссар Ирыстон
Хуссар Иры МСНК-æн сфæлвæрдтой йæ цæттæдзинад

Барадхъахъхъӕнджыты цӕттӕкӕнынады ӕмвӕзад бӕрӕг кӕны квалификацигонд къамис, кӕцыйы сӕргъ лӕууы министры хӕдивӕг Джабиты Ӕхсар.

Экзамен райдайы стадионы, цы ран МХМ кусджытӕ дӕттынц нормативтӕ лидзынӕй ӕмӕ тыхон фӕлварӕнтӕй.

Нӕлгоймӕгтӕм ӕмӕ сылгоймӕгтӕм домӕнтӕ иухуызон не сты. Фӕлварӕнтӕ аразыны рӕстӕджы хыгъдмӕ исынц кусджыты кар дӕр. Иууыл хуыздӕр фӕстиуӕг райсынӕн нӕлгоймӕгтӕн 30 азы кары онг хъӕуы сӕхи сисын уӕладзӕныл 15 хатты ӕмӕ алидзын иу километр ӕртӕ минутмӕ.

Сылгоймаг-милиционерты физикон цӕттӕкӕнынад бӕрӕг кӕнынц комплексон тыхон фӕлварӕнӕй ӕмӕ згъордӕй 100 метры дистанцимӕ. 30 азы кары онг сылгоймӕгтӕ хъуамӕ алидзой ацы дистанци 16 секундмӕ.

Стадионы нормативтӕ раттыны фӕстӕ, барадхъахъхъӕнӕг органты кусджытӕ рахизынц службӕйон ӕмӕ ӕхсыны цӕттӕкӕнынады фӕлварӕнтӕ раттынмӕ.

Фӕлварӕнты фӕстиуджытӕм гӕсгӕ квалификацигонд къамис рахӕссы уынаффӕ, кӕцы бахӕссынц кусӕджы сӕрмагонд хъуыддагмӕ ӕмӕ квалификацийы тыххӕй МХМ кусджытӕн ӕрвылмӕй бафтауынц сӕ мыздмӕ. Ацы аз фӕлварӕнты хайад райстой милицийы 300 кусӕгӕй фылдӕр.

Ног хабӕртты лентӕ
0