ЦХИНВАЛ, 27 авг — Sputnik. Санкт-Петербурджы стадион "Газпром Арена"-йы 1 сентябры 40 мин адӕймаджы ӕмӕ аст минӕй фылдӕр адӕймагӕй конд симфоникон оркестр маэстро Гергиты Валерийы къухдариуӕгадӕй сӕххӕст кӕндзыты Уӕрӕсейы кады зарӕг, хъусын кӕны РИА Новости.
Гуырахстджын мадзал нывонд у Уӕрӕсейы Федерацийы паддзахадон гимныл 75 азы сӕххӕстӕн.
"1 сентябры Санкт-Петербурджы стадион "Газпром Арена"-йы ацӕудзӕн ӕппӕтнацион акци, кӕцы у нывонд бӕстӕйы сӕйраг геральдион нысӕнттӕй иуы юбилейӕн. 75-азон юбилей - иттӕг хорз ӕфсон, цӕмӕй ӕрлӕууын кӕнӕм нӕ бӕстӕйы цӕрджыты зӕрдыл ацы националон фӕллойы нысаниуӕг", - радзырдтой акцийы организатортӕ.
Мадзалы хайад райсынмӕ ӕрцӕудзысты оркестрты минӕвӕрттӕ Уӕрӕсейы 85 регионӕй.
Акцийы аразджытӕ ма бадӕттой куырдиат Гиннесы рекордты чиныгмӕ категори "Иууыл стырдӕр оркестр"-мӕ.
