Арӕны фӕдыл къамисы хистӕр: цалдӕр картӕ бӕрӕг кӕны, гуырдзиаг пост кӕй аразынц РХИ зӕххыл

© Пресс-служба президента РЮОГуырдзиаг полицæйæгтæ Хуссар Иры арæныл
Гуырдзиаг полицæйæгтæ Хуссар Иры арæныл - Sputnik Хуссар Ирыстон
Рафыссын
Къамис арæзт æрцыд 2018 азы 20 июны Цънелисы комы цæрджыты коллективон куырдиатмæ гæсгæ. Йæ уæнгтæ ссардтой цалдæр картæйы, се 'хсæн Гуырдзыстонæн сæхи картæтæ дæр, кæцытыл бæрæгæй зыны Хуссар Ирыстоны арæн

ЦХИНВАЛ, 30 авг — Sputnik, Плиты Фатимæ. Хуссар Иры Знауыры районы Уисты (Цънелисы) хъæумæ хæстæг дзырдтаг пост ис Хуссар Иры территорийыл, уый ӕнцон сбӕрӕгкӕнӕн у цалдӕр рагон картӕйы фӕрцы. Ахæм хатдзæгмæ æрцыд Хуссар Иры парламентон къамис ивгъуыд аз сгарæн куысты рæстæджы, фехъусын кодта Sputnik уæды парламенты вице-спикер, паддзахадон арæны фæдыл сæрмагонд парламентон къамисы хистæр Тедеты Руслан.

© Из архива лесного хозяйства РЮОГуырдзыстоны хъæдын хæдзарады картæйы копи
Арӕны фӕдыл къамисы хистӕр: цалдӕр картӕ бӕрӕг кӕны, гуырдзиаг пост кӕй аразынц РХИ зӕххыл - Sputnik Хуссар Ирыстон
Гуырдзыстоны хъæдын хæдзарады картæйы копи

Къамис арæзт æрцыд 2018 азы 20 июны Цънелисы комы цæрджыты коллективон куырдиатмæ гæсгæ. Ӕхсæз мæйы куысты фæстæ, 20 декабры къамис балхынцъ кодта йæ куыст.

"Къамисмæ уыдис Цънелисы колхозæн 1936 азы ацы зæххы фадыг рахицæн кæныны акты оригиналы ксерокопи. Ис зæхбарджыты арæзт картæ дæр. Ацы фарст сгаргæйæ, къамис ссардта 1940-1941 æзты Гуырдзыстонæн сæхи арæзт æрзæты паспорттæ, уыдонмæ гæсгæ æртæ сæйраг талькы æрзæткахæн объекты сты Хуссар Иры автономон областы", - загъта Тедеты Руслан.

Уый ма радзырдта, къамисы къухы ма кӕй бахауд 1982 азы Гуырдзыстоны хъæдын хæдзарады картæйы копи, кæцымæ гæсгæ Гуырдзыйы фарст ныр цы зæххытæ бацахста, уыдон уыдысты Хуссар Иры автономон областы территорийыл.

"Цæмæдæр гæсгæ, арæн нысан кӕныны куыстыты рæстæджы Хуссар Иры хицауады къамис кусы 1982 азы Хуссар Иры хъæууонхæдзарадон мæнгарæзт картæйæ, кæцымæ гæсгæ ацы территори хауы Гуырдзыстонмæ", - загъта уый.

Раздӕры вице-спикер ма радзырдта, 2019 азы 7 майы къамисы куысты хатдзæгтæм гæсгæ закондæттæг органы кӕй сарæзтой доклад, æрмæг æрвыст æрцыд президенты администраци, Зонад-иртасæн институт æмæ хицауадмæ, иу хуызæг баззад Парламенты.

© Из архива национального музея РЮО1926 азы арæзт Дзаттиаты Александры картæ
Арӕны фӕдыл къамисы хистӕр: цалдӕр картӕ бӕрӕг кӕны, гуырдзиаг пост кӕй аразынц РХИ зӕххыл - Sputnik Хуссар Ирыстон
1926 азы арæзт Дзаттиаты Александры картæ

Тедеты Русланы ныхæстæм гæсгæ, сæ доклад куы арæзтой, уæд зынбамбарæн æфсæнттæм гæсгæ журналистты арвыстой залæй.

Уый ма радзырдта, Хуссар Иры Национ музейы экспонатты хсæн кӕй ис 1926 азы арæзт Дзаттиаты Александры картæ дæр, кæцыйæ дæр бæрæг у Хуссар Иры арæн.

Гуырдзиаг фарс ныр цалдæр боны аразы полицæйаг постытæ Хуссар Ирыстоны арæнмæ æввахс территорийыл, Знауыры районы Уисты хъæууы цур. Бон раздæр арæны ацы фадыг йæ хъусдардмæ райста республикæйы тыхон структурæты иумæйаг къорд.

Ног хабӕртты лентӕ
0