ЦХИНВАЛ, 13 сен - Sputnik. Хуссар Ирыстоны президент Бибылты Анатолий бафыста барамынд службæ рацæуæг æрсиддонты запасмæ арвитыны æмæ ацы аз октябрь-декабры ног æрсидт саразыны фæдыл. Документ мыхуыр æрцыд бæстæйы сæргълæууæджы сайтыл.
"Запасмæ службæ рацæуæг æфсæддонты арвитыны фæдыл бакæнын ног æрсидт Хуссар Ирыстоны Гарзджын тыхты скондмæ нæлгоймæгты, кæцытæ бацыдысты 18 азы кары æмæ сын нæй бар аргъæвын службæ, афтæ ма хистæр кары нæлгоймæгтæн, кæцытæ фесæфтой службæ аргъæвыны бар", - дзырдæуы барамынды.
Хуссар Ирыстоны уæлдæр командæгæнæг ма бахæс кодта горæттæ æмæ районты администрацитæн сифтонг кæнын æмбæстæгты æфсадмæ æрсидыны æнæмæнгхъæуæг мадзæлттæй.
