ЦХИНВАЛ, 17 сен – Sputnik. Хицауады сӕрдар Пухаты Эрик кусӕгон балцы рӕстӕджы Знауыры поселокмӕ саргъ кодта нардуатон организаци "Шанс"-ы куыстӕн, кӕцы аразы 18 фатерон хӕдзар. Уый тыххӕй Sputnik фехъусын кодта хицауады пресс-службӕйы минӕвар Дзуццаты Тамара.
"Пухаты Эрикы зӕрдӕмӕ нӕ фӕцыдысты арӕзтады темптӕ, ӕмӕ премьер-министр ӕрдомдта баххӕст кӕнын сӕфт рӕстӕг", - загъта Дзуццаты Тамара.
Банысан ӕрцыд, проект аргъ кӕй у 56,7 милуан сомы.
Нардуатон организацийы минӕвӕрттӕ фидарӕй загътой хицауады сӕрдарӕн, ӕртыццӕгмӕ фиппаинӕгтӕ иууылдӕр кӕй аиуварс кӕндзысты, ӕмӕ куыстытӕ та адарддӕр кӕндзысты хуыздӕр темпы.
Хицауады сӕрдаримӕ кусӕгон балцы уыд арӕзтад, архитектурӕ ӕмӕ ЦКХ министры хӕдивӕг Гаглойты Сергей, афтӕ ма капиталон арӕзтады хайад ӕмӕ нардуатон организацийы минӕвӕрттӕ дӕр.
