Дудайты Донна рамбылдта æппæтуæрæсейон ерыстæ

© Фото из архива Донны ДудаевойДудайты Донна рамбылдта æппæтуæрæсейон ерыстæ
Дудайты Донна рамбылдта æппæтуæрæсейон ерыстæ
 - Sputnik Хуссар Ирыстон
Бафыссын
Yandex newsTelegram
Ерысты фæлгæтты спортсменкæ йе ʻртæ тох дæр рамбылта æмгъуыдæй раздæр, ивгъуыд аз ацы ерысты уый уыд призер

ЦХИНВАЛ, 18 сен — Sputnik, Плиты Фатимæ. Хуссар Ирыстоны Кекусин-кан каратейы федерацийы хъомылгæнинаг Дудайты Донна ссис XII-æм æрыгæтты ʻхсæн æппæтуæрæсейон æфсæддон æмтохæдты хъæзтыты уæлахиздзау. Ноджы ма нæ аннæ спортсменка Гаглойты Диана та ссис ерысты æвзист призер, фехъусын кодта Sputnik йæхæдæг Дудайты Донна.

Ерысты уæлахиздзауы суæвынмæ Дудайты Донна йæхи цæттæ кодта иу азы дæргъы.

Дудайты Донна - Sputnik Хуссар Ирыстон
Тæргайаг бронзæ: Дудайты Донна ссис æфсæддон æмтохæдты хъæзтыты призер

"Ацы ерысты архайгæйæ ивгъуыд аз райстон æрмæстдæр призон бынат, уымæ гæсгæ мын иу азы дæргъы сæйраг нысан уыд пьедесталы фыццаг къæпхæнмæ схизын æмæ мæ къухы бафтыд. Ӕртæ тох дæр рамбылдтон æмгъуыдæй раздæр", - загъта Дудайты Донна.

Турниры агъоммæ спортсментæн ацыд цæттæгæнæн ахуыртæ Хъырым æмæ Геленджикы. Фæсивæды цæттæ кæны тренер Созайты Владимир.

Ерыстæ цыдысты 8-23 сентябры горæт Анапайы.

Ног хабӕртты лентӕ
0