Хуссар Ирмӕ официалон балцы ӕрцыд Донецкы республикӕйы сӕргълӕууӕг

© Sputnik / Диана КозаеваХуссар Ирмӕ официалон балцы ӕрцыд Донецкы республикӕйы сӕргълӕууӕг
Хуссар Ирмӕ официалон балцы ӕрцыд Донецкы республикӕйы сӕргълӕууӕг - Sputnik Хуссар Ирыстон
Рафыссын
Балцы рӕстӕджы ацӕудзӕн дыууӕ бӕстӕйы сӕргълӕууӕджы баныхас. Афтӕ ма Донецкы делегаци хайад райсдзӕн мадзӕлтты, кӕцытӕ нывонд сты Республикӕйы бонӕн

ЦХИНВАЛ, 19 сен - Sputnik, Козаты Диана. Донецкы Адӕмон Республикӕйы сӕргълӕууӕг Денис Пушилин ӕрцыд официалон балцы Хуссар Ирыстонмӕ.

Столицӕйы централон фӕзуатыл ацыд цыты хъарагъулы марш, республикӕйы президент Бибылты Анатолий раарфӕ кодта ДАР сӕргълӕууӕгӕн ӕмӕ йӕ базонгӕ кодта ӕххӕстгӕнӕг ӕмӕ закондӕттӕг хицауады разамонджытӕн.

© Sputnik / Диана Козаева Донецкы Адӕмон Республикӕйы сӕргълӕууӕджы балц Хуссар Ирыстонмӕ
Хуссар Ирмӕ официалон балцы ӕрцыд Донецкы республикӕйы сӕргълӕууӕг - Sputnik Хуссар Ирыстон
Донецкы Адӕмон Республикӕйы сӕргълӕууӕджы балц Хуссар Ирыстонмӕ

Балцы рӕстӕджы ацӕудзӕн Бибылты Анатолийы баныхас Денис Пушилинимӕ, афтӕ ма нывӕндынц ауадзын ДАР делегаци ӕмӕ республикӕйы къухдариуӕгады уӕнгты фембӕлд уӕрӕх форматы.

Уымӕй дарддӕр Пушилин хайад райсдзӕн мадзӕлтты, кӕцытӕ нывонд сты Республикӕйы бонӕн.

Донецкы республикӕйы сӕргълӕууӕг - Sputnik Хуссар Ирыстон
Хуссар Ирмӕ официалон балцы ӕрцӕудзӕн Донецкы республикӕйы сӕргълӕууӕг

Хуссар Ирыстон 2014 азы банымадта ДАР ӕмӕ ЛАР хӕдбардзинад, республикӕтимӕ фидар ӕрцыдысты дипломатон ахастытӕ. Донецк ӕмӕ Луганскы кусынц Хуссар Ирыстоны минӕварадтӕ, Цхинвалы та — ДАР ӕмӕ ЛАР минӕварадтӕ.

2017 азы майы РХИ ӕмӕ ДАР бафыстой ӕмгуыстады бадзырд, документы бын сӕ къухфысттӕ ӕрӕвӕрдтой республикӕйы лидертӕ - Бибылты Анатолий ӕмӕ Александр Захарченко. 2018 азы декабры Цхинвалы бафыстой аналогион бадзырд Луганскы АДӕмон Республикӕимӕ.

Хуссар Ирыстоны ацы аз банысан кӕндзысты Республикӕ расидӕны 29-ӕм афӕдзы бон. 1990 азы 20 сентябры Адӕмон депутатты совет расидт Хуссар Ирыстоны советон демократон республикӕ Советон Цӕдисы сконды. Ацы скъуыддзаг ссис фыццаг къахдзӕфтӕй иу хӕдбардзинадмӕ ӕмӕ ӕхсӕнадӕмон банымадмӕ.

Ног хабӕртты лентӕ
0