Раздахут дамгъӕтӕ: Бибылты Анатолий банхъардта бакусын "Абеты" чиныгыл

© Sputnik / Наталья АйриянИрон ӕвзаджы чиныг
Ирон ӕвзаджы чиныг - Sputnik Хуссар Ирыстон
Бафыссын
Yandex newsTelegram
Ирон дамгъуаты фӕкъаддӕр скъолайон чиныджы расидт уӕрӕх, фылдӕр хатты негативон реакци республикӕйы

ЦХИНВАЛ, 27 сен - Sputnik, Гӕбӕраты Элина. Фыццагкъласонтӕн ирон ӕвзаджы чиныг "Абетӕ" райсдзысты скъолатӕй ӕмӕ бакусдзысты йӕ фиппаинӕгтыл, кӕцыты хсӕн ис дамгъуаты фӕкъаддӕр. Ахӕм скъуыддзаг рахаста президент Бибылты Анатолий майрӕмбоны чиныджы автортӕ ӕмӕ ирон ӕвзаг ӕмӕ литературӕ ахуыргӕнджытимӕ йӕ кусӕгон фембӕлды фӕстӕ.

Фембӕлд ацыд, социалон хызӕгты дамгъуаты фӕкъаддӕры тыххӕй кӕй уагътой уӕрӕх ӕрныхас ӕмӕ ахуыргӕнджыты зӕрдӕмӕ кӕй нӕ фӕцыд фыццагкъласонтӕн чиныг, уый фæстиуæгæн. Дамгъуатмӕ нӕ бахастой дамгъӕтӕ й, ё, ш, ж, э, ю, я, ъ, ь. Чиныджы автор у профессор Битарты Зоя.

"Кӕд мах аскъуыддзаг кодтам, дамгъуат кӕй хъӕуы раивын ӕмӕ аиуварс кӕнын фиппаинӕгтӕ, уӕд, сӕйраджыдӕр, зӕгъын бузныг кусӕгон къордӕн сӕ куысты тыххӕй. Ӕз банхъардтон райсын "Абеты" чиныгуытӕ скъолатӕй ног азмӕ. Абон чи домы ивындзинӕдтӕ бахӕссын, уыдон та бавдисӕт сӕ хъӕппӕристӕ ахуырады министрадмӕ", - загъта президент.

© Пресс-служба президента РЮОРХИ президент Бибылты Анатолийы фембӕлд ахуыргӕнджытӕ ӕмӕ ирон ӕвзаджы чиныджы автортимӕ
Раздахут дамгъӕтӕ: Бибылты Анатолий банхъардта бакусын Абеты чиныгыл - Sputnik Хуссар Ирыстон
РХИ президент Бибылты Анатолийы фембӕлд ахуыргӕнджытӕ ӕмӕ ирон ӕвзаджы чиныджы автортимӕ

Ирон ӕвзаг ӕмӕ литературӕйы чингуытӕ бацӕттӕ кодтой фыццагӕй фарастӕм къласмӕ ахуыргӕнинӕгтӕн. Уыдоныл куыста авторты къорд, кӕцыйы сконды уыдысты ирон ӕвзаг ӕмӕ литературӕйы бӕрзонд квалификацигонд ахуыргӕнджытӕ, зонадон-иртасӕн институты кусджытӕ ӕмӕ ХИПУ ахуыргӕнджытӕ Битарты Зояйы къухдариуӕгады бын.

© Пресс-служба президента РЮОРХИ президент Бибылты Анатолийы фембӕлд ахуыргӕнджытӕ ӕмӕ ирон ӕвзаджы чиныджы автортимӕ
Раздахут дамгъӕтӕ: Бибылты Анатолий банхъардта бакусын Абеты чиныгыл - Sputnik Хуссар Ирыстон
РХИ президент Бибылты Анатолийы фембӕлд ахуыргӕнджытӕ ӕмӕ ирон ӕвзаджы чиныджы автортимӕ
Ног хабӕртты лентӕ
0