ЦХИНВАЛ, 30 сен – Sputnik. Цӕгат Ирыстоны уагъд цӕуы ӕхсӕнадӕмон автозгъорд "Дунейы сабырдзинады тыххӕй", кӕцы нывонд у Беслӕны трагедийы амӕттӕгтӕн. Акци ӕрӕмбырд кодта автомобилистты Уӕрӕсейы регионтӕй, афтӕ ма ӕввахс ӕмӕ дард фӕсарӕнты бӕстӕтӕй, хъусын кӕны Осетия-Ирыстон.
Автозгъорды хайадисджытӕ сӕвӕрдтой дидинджытӕ "Фыдохы бӕлас"-мӕ мемориалон уӕлмӕрд "Зӕдты горӕты", уый фӕстӕ та бабӕрӕг кодтой мемориалон комплекс "Барбошовы фӕзуат".
Автомобилисттӕ ныридӕгӕн ацыдысты 15 мин километры. Акци уагъд цӕуы фыццаг хатт, йӕ организатортӕ сты республикӕйы къухдариуӕгад ӕмӕ Автомобилон спорты федераци.
