ЦХИНВАЛ, 14 окт - Sputnik, Диана Уалион. Ирон делегаци бацæттæ кодта уæрæх нывæзт æхсæнадæмон фестиваль "Карловские чтения"-мæ, кæцы байгом уыдзæн Антальяйы 21 октябры, радзырдта Sputnik делегацийы сæргълæууæг, РХИ æмæ РЦИ-А адæмон артисткæ Амага Готти.
"Мах хъахъхъæндзыстæм Хуссар æмæ Цæгат Ирыстоны кад Турчы. Уым ацæудзæн егъау мадзæлттæ , кæцыты хайад райсдзысты нæ курдиатджын æмæ ирд фæсивæд. Мах нæхи тынг хорз бацæттæ кодтам æмæ цæуæм форуммæ стыр æмæ цымыдисон æрмæгимæ", - радзырдта уый.
Национ культурæйы темæйыл докладтæй дарддæр ма ирыстойнаг хайадисджытæ ралæудзысты гала-концертты хореографион æмæ вокалон номыртимæ уæрæсейаг æмæ туркаг артисттимæ. Уымæй дарддæр ма нывæзты ис Хуссар Иры сгуыхт артисткæ Цхуырбаты Аланæйы фильм "Не время для героизма"-йы равдисын æмæ ХИПУ-йы презентаци. Амага Готти форумы фæлгæтты радзурдзæн æхсæнадæмон этнолагерь "Алайнаг фæд"-ы æмæ адæмон дипломатийы йæ нысаниуæджы тыххæй.