ЦХИНВАЛ, 15 окт - Sputnik, Гӕбӕраты Ян. Хуссар Ирыстоны цыппар мин резервистӕй, кӕцытӕм ӕрсидтысты мобилизацион рӕвдзытӕм августы, не рбацыдысты ӕрмӕстдӕр цыппар сӕдӕ, радзырдтой Sputnik пресс-конференцийы рӕстӕджы республикӕйы хъахъхъӕнынадон уагдоны минӕвӕрттӕ.
Июлы райдайӕны президент Бибылты Анатолий бафыста барамынд резервистты рӕвдзытӕ ауадзыны фӕдыл. Уыдон ацыдысты августы райдайӕны генералон штаб, РХИ Гарзджын тыхты хайӕдтӕ ӕмӕ 4-ӕм уӕрӕсейаг ӕфсӕддон базӕйы ӕфсӕддонты командон-штабон ахуырты фӕлгӕтты.
"Уый уыд фыццаг ахӕм фӕлтӕрддзинад фӕстаг 27 азы дӕргъы", - банысан кодта хъахъхъӕнынады министры хӕдивӕг Ӕлборты Игорь.
Рӕвдзыты фӕстиуджытӕм гӕсгӕ рабӕрӕг ис цалдӕр проблемӕйы. Хъахъхъӕнынадон уагдон фӕнд кӕны фӕхуыздӕр кӕнын ӕрсидты кампанийы гъӕд.
"Сарӕзтам ӕмбӕстӕгты номхыгъдтӕ, кӕцытӕ не рбацыдысты рӕвдзытӕм. Уыцы номхыгъдтӕ арвитдзысты ӕмбӕлон органтӕм ӕмӕ ӕмбӕстӕгты фӕдыл бакӕндзысты административон хъуыддӕгтӕ", - банысан кодта ӕфсӕддон комиссар Бибылты Роберт.
Хъахъхъӕнынады министрады минӕвртты ныхӕстӕм гӕсгӕ, мобилизацион рӕвдзытӕ гӕнӕн ис суой иудадзыг.
"Алцыдӕр баст у уӕлдӕр командӕгӕнӕджы скъуыддзагимӕ", - загъта Хъахъхъӕнынады министрады организацион-мобилизацион хайады хистӕр, булкъон Гуыцмӕзты Алан.
