Цхинвалы байгом уыдзæн адæмон нывгæнæг Чилæхсаты Магрезы равдыст

© InstagramЦхинвалы байгом уыдзæн Чилæхсаты Магрезы нывты равдыст
Цхинвалы байгом уыдзæн Чилæхсаты Магрезы нывты равдыст - Sputnik Хуссар Ирыстон
Экспозицийы уыдзæн номдзыд нывгæнæджы 30 куысты, се ʻхсæн уацмыс "Ӕфхæрдты Хæсанæ"-йы темæйыл фыст тетралоги

ЦХИНВАЛ, 15 окт — Sputnik, Плиты Фатимӕ. Хуссар Ирыстон æмæ Уæрæсейы адæмон нывгæнæг Чилæхсаты Магрезы куыстыты равдыст байгом уыдзæн Паддзахадон драмон театры фойейы цыппæрæмы. Мадзалы фидыц суыдзысты национ литературæйы ахадгæ уацмыс "Ӕфхæрдты Хæсанæ"-йы темæйыл фыст нывтæ, фехъусын кодтой Sputnik ПДТ пресс-службæйы.

Равдыст байгом уыдзæн 17 октябры, "Ӕфхæрдты Хæсанæ"-йы премьерон равдысты агъоммæ.

"Хуссар Ирыстоны адæмон нывгæнæг Чилæхсаты Магрез спектакль "Ӕфхæрдты Хæсанæ"-йы бакуыста сценографæй. Йæ куыстыты равдыстимæ базонгæ кæныны фадат уыдзæн театры уазджытæн. Экспозицийы централон хай уыдзæн тетралоги – цыппар куысты, кæцыты иу кæны "Ӕфхæрдты Хæсанæ"-йы темæ", - загътой пресс-службæйы.

Равдыстмæ рахастой нывгæнæджы куыстытæй 30 бæрц.

Кацты Вадим - Sputnik Хуссар Ирыстон
Мӕскуыйы ацӕудзӕн хуссарирыстойнаг нывгӕнӕг Кацты Вадимы равдыст

Чилæхсаты Магрез райгуырд Дзауы районы Чеселты хъæуы. У Хуссар Ирыстон æмæ Уæрæсейы адæмон нывгæнæг, Станиславскийы номыл премийы лауреат.

Йæ куыстытæ фенæн ис Мæскуыйы, Санкт-Петербурджы, Дзæуджыхъæуы, Цхинвалы, Омскы, Киевы музейты, афтæ ма хицæн адæмы коллекциты Европæйы бирæ горæтты.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала