Ӕппæтнацион бæрæгбон: Ирыстоны нысан кæнынц Къостайы юбилей

Скъолатæ, библиотекæтæ, уагдæттæ æмæ уæлдæр ахуыргæнæндæттæй иу дæр йæхи нæ атигъ кодта юбилеййæ, бæрæгбон нысан цæуы дыууæ республикæйы дæр, мадзæлтты централон фæзуат та ссис Нар

ЦХИНВАЛ, 15 окт — Sputnik, Плиты Фатимæ. Ирыстон нысан кæны дыццæджы æппæтнацион бæрæгбон  - 160  азы размæ райгуырд бæстæйы зындгоддæр гоймаг, фыссæг, нывгæнæг, публицист, ирон литературон æвзаджы бындурæвæрæг Хетæгкаты Леуаны фырт Къоста.

Генийы райгуырæн  бон ацы аз уæрæхæй нысан цæуы йæ райгуырæн хъæу Нары. Ирыстоны дыууæ хайы ʻхсæн чысыл цæрæн пунктмæ дыццæджы сæумæ райсомæй цæуынц адæм хуссарæй æмæ цæгатæй.

Къоста - Sputnik Хуссар Ирыстон
Къостайы юбилей: цæмæй банысан кæндзысты æппæтирон бæрæгбон

Хуссар Ирыстоны ацы аз президенты барамындæй расидт æрцыд Къостайы азæй.  Ацы уынаффæ уæлдай фæахсджиаг кодта юбилейон аз: йæ хуызистимæ рацыд згъæрæхца, рахастой уынаффæ цырт сæвæрыны тыххæй, мыхуыр æрцыд Къостайæн нывонд къæлиндар, скъоладзауты хсæн цæуынц конкурстæ. Æмткæй Къостайы азы фæлгæтты нывæзтон мадзæлты номыхыгъды ис 25 пункты, кæцыдæртæ аххæсыдзысты 2020 азмæ дæр. Юбилеймæ Ирыстоны æнæном хæхтæй иуæн лæвæрд æрцæудзæн Хетæгкаты Къостайы ном. Скъолаты, библиотекæты, уагдæтты, уæлдæр ахуыргæнæндæттæй иу дæр йæхи нæ атигъ кодта юбилеййæ.

Хетæгкаты Къоста у иууыл зындгонддæр ирон фыссæг. Йе ‘мдзæвæгæтæ тæлмац æрцыдысты дунейы бирæ  æвзæгтæм. Ирыстоны сабиты онг дæр ахæм адæймаг нæ баззад, кæцы нæ зоны Къостайы æмдзæвгæй иу. Йæ "Ирон фæндыр"- ы рацыды бон бындур æрæвæрдта Ирыстоны бæрæгбонон датæйæн - мадæлон æвзаджы бæрæгбон нысан цæуы 15 майы 2003 азæй фæстæмæ, уыцы бон 1899 азы мыхуыры рацыд æмбырдгонд.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала