ЦХИНВАЛ, 18 окт - Sputnik, Гӕбӕраты Элина. Хуссар Ирыстоны 2019 азы паддзахадон бюджетмӕ ивындзинӕдтӕ бахастой хицауады уӕнгтӕ рабадты рӕстӕджы майрӕмбоны.
Ныхас цыд Хуссар Ирыстоны 2019 азы бюджеты ӕфтиагон хайы фӕфылдӕры тыххӕй 17,2 милуан сомы бӕрц.
Финансты министр Хӕбӕлаты Аза куыд банысан кодта, афтӕмӕй ацы мадзӕӕлттӕ баст сты паддзахадон бюджеты ӕфтиӕгты бӕрцуаты фӕфылдӕримӕ.
"Афтӕ ма фӕфылдӕр сты бюджетон фӕрӕзты хицӕн хардзон статьятӕ ӕмӕ бахастой ивындзинӕдтӕ бюджеты хӕрдзты здӕхттӕм", - загъта Хӕбӕлаты Аза.
Ацы суммӕ нывӕндынц адих кӕнын Арӕзтады министрад, Хъахъхъӕнынады министрад, Паддзахадон мыхуыр ӕмӕ информацийы комитет, районтӕ ӕмӕ столицӕйы администрацийы хсӕн.
РХИ хицауады рабадт
© Пресс-служба президента РЮО
