Дзауы район ифтонг ӕрцӕудзӕн кабелон интернетӕй

© Sputnik / Из архива Сослана ГаглоеваИнтернет лæггæдты фидыны терминалтæ фæзынд Цхинвалы
Интернет лæггæдты фидыны терминалтæ фæзынд Цхинвалы  - Sputnik Хуссар Ирыстон
Рафыссын
Компани "Юг-телеком"-ы генералон директор ныфс æвæры, 2020 азы республикæйы иу хъæу дæр кæй нал баззайдзæнис æнæ интернет-бастдзинадæй

ЦХИНВАЛ, 21 окт - Sputnik, Дриаты Лейла. Хуссар Ирыстоны Дзауы районы скусдзæн кабелон интернет, фехъусын кодта Sputnik интернеты лӕггӕдты компани "Юг-телеком"-ы генералон директор Коцты Григорий.

Бастдзинады ног оператор "Юг-Телеком" республикæйы фæзынд ивгъуыд аз. Уæдмæ цæрджытæ пайда кодтой æрмæстдæр "Мегафон"-ы бастдзинадæй. Фӕлӕ дзы бирæтæ райгонд нӕ уыдысты. Райгонд та не сты, фыццаджыдæр, йæ къуылымпыдзинад ӕмӕ ӕргътӕй.

"Дзауы районæй нæм ивгъуыд азæй нырмæ цыд куырдиæттæ. Нæ сæйраг офисмæ æрбацæугæйæ-иу Дзау æмæ йæ районы цæрджытæ домдтой, цæмæй фæтагъд кæнæм куыстытæ æмæ сæ тагъддæр сифтонг кæнæм æнæлимитон интернетæй", - банысан кодта "Юг-Телеком"-ы генералон директор.

Йӕ ныхӕстӕм гӕсгӕ, куыстытӕ фӕстиат цыдысты, проекто-тестон куыстытæ компани йæхи сæрмагонд инвестицитæй кæй æххæст кæны, уымæ гæсгæ. Цæмæй Дзауы районы æххæстбæрцæй скуыстаид кабелон интернет, уый тыххæй хъуыд бынæттон кусджытæ бацæттæ æмæ сахуыр кæнын.

WI-FI  - Sputnik Хуссар Ирыстон
Хуссар Иры хъæутæм уадзынц хæтæлон интернет

Коцты лæппу куыд загъта, афтæмæй "Юг-Телеком"-ы компани ныр та фæнд кæны Цхинвалы район Дменисы хъæуы дæр ахæм куыстытæ бакæнын.

"Уым куыстытæ фæуыдзысты ног азмæ, уый фæстæ та кабелон интернет арæзт æрцæудзæнис Знауыр, Ленингор æмæ Къуайсайы дæр. 2020 азы республикæйы иу хъæу дæр нал баззайдзæнис æнæ интернет-бастдзинадæй. Дард районтæм дæр бастдзинады аргъ уыдзæнис, горæты куыд у, афтæ. Уымæй уæлдай абоненттæн лæггæдты аргъ бафидынæн горæты бирæ рæтты сæрмагонд терминалтæ куыд æрцыд æвæрд, районты дæр уыдзæн афтæ", - ныфс ӕвӕры Григорий.

Уыцы иу рæстæджы, бафтыдта лæппу, компани кусы ног проектыл дæр. Иу хызæджы фæлгæтты абонентæн фадат уыдзæн IP-телефонæй æмæ интернет-телеуынынадæй пайда кæнынæн дæр.

Ныртæккæ горæт Цхинвал, йæ микрорайонтæ, æмæ ма горæтмæ хæстæг Тъбеты хъæу дæр ифтонг сты кабелон бастдзинад "Юг-Телеком"-ы хызæгтæй.

Ног хабӕртты лентӕ
0