ЦХИНВАЛ, 21 окт - Sputnik. Хуссарирыстойнаг гимнасткӕтӕ райстой иууыл бӕрзонддӕр баллтӕ Краснодары уагъд цӕуӕг турнир "Хрустальная туфелька 2019"-ы. Уый тыххӕй Sputnik фехъусын кодтой фӕсивӕдон политикӕ, спорт ӕмӕ туризмы комитеты пресс-службӕйы.
Хуссар Ирыстоны командӕ эстетикон гимнастикӕйӕ архайдта 10-12 азы кары къорды.
Командӕйы хайадисджытӕй иу Гулдаты Валерия ерысты фӕстиуджытӕм гӕсгӕ райста сӕрмагонд приз "Мисс турнира" Хрустальная туфелька 2019".
Спортсменкӕты бацӕттӕ кодтой тренертӕ Цхуырбаты Зема, Зассеты Элина, хореографтӕ Джабиты Зӕринӕ ӕмӕ Сания Глызина.
