ЦХИНВАЛ, 23 окт - Sputnik. Хуссар Ирыстоны президент сӕвӕрдта дидинджытӕ Беслӕны амӕттӕгты монументмӕ Санкт-Петербурджы. Цыртдзӕвӕн "Беслӕны сывӕллӕттӕн" сӕвӕрдтой Санкт-Петербурджы 2007 азы.
Президентимӕ дидинджытӕ сӕвӕрдтой монументмӕ Цӕгат Ирыстоны парламенты сӕрдар Алексей Мачнев, Хуссар Ирыстоны минӕвар Уӕрӕсейы Гасситы Знауыр, ирон ӕхсӕнады минӕвӕрттӕ Санкт-Петербурджы.
Уый фӕстӕ Бибылты Анатолий бабӕрӕг кодта Фырсыгъдӕг Мад Майрӕмы фынӕты аргъуан Малоохтинскы проспектыл, кӕцыйы цур ис Беслӕны амӕттӕгтӕн цыртдзӕвӕн.
Хуссар Ирыстоны делегаци ӕрцыд Санкт-Петербургмӕ Ирон культурӕйы бонты хайад райсынмӕ, кӕцытӕ нывонд сты Уӕрӕсейы фыццаг ирон минӕварады бакондыл 270 азы сӕххӕсты цытӕн.
Бӕрӕгбонон мадзӕлтты рӕстӕджы, кӕцытӕ уагъд цӕудзысты Санкт-Петербурджы 23-34 октябры, байгом уыдзӕн мультимедийон историкон парк "Уӕрӕсе – Мӕ истори", кӕцыйы фӕлгӕтты уагъд цӕудзысты концерттӕ, документалон кинонывты равдыст, сорганизаци кӕндзысты национ амалиуӕгты мастер-класстӕ ӕмӕ ӕндӕртӕ.
